Milnay K Nahin Nayyab Hain Hum

Dhoondo Gay Agar Mulko’n Mulko’n
Milnay K Nahin Nayyab Hain Hum

Taabeer Hai Jiss Ki Hasrat-o-Gham
Aay Humnafaso Woh Khawab Hain Hum

Aay dard Bata Kuch Tu Hi bata
Ab Tak ye Muamma Hal Na Hua

Hum Mein Hai Dil-e-Betaab Nihan
Ya App Dil-e-Betaab hain Hum

Main Hairat-o-Hasrat Ka Maara
Khamosh Khara Hoo’n Saahil Par

Daryaye Muhabbat Kehta Hai
"Aa Kuch Bhi Nahin Payyab Hain Hum"

Laakhon Hi Mussafir Chaltay Hain
Manzil Pay Puhanchtay Hain Do Aik
Ay Ehl-e-Zamana Qadar Karo
Nayab Na Hoon KamYaab Hain Hum

Murghan-e-Qafas Ko Phoolo’n Ne
Ay SHAD Ye Kehla Bheja Hai
Aa Jaao Jo Tum Ko Aana ho
Aisay Main Abhi Shaddab Hain Hum